Jerome's Latin Vulgate (405 A.D.)

Psalms 52

The Book of Psalms

Return to Index

Chapter 53

1

victori in psalmis eruditi David

2

quando venerunt Ziphei et dixerunt Saul nonne David absconditus est apud nos

3

Deus in nomine tuo salva me et in fortitudine tua ulciscere me

4

Deus exaudi orationem meam auribus percipe verba oris mei

5

quia alieni insurrexerunt adversus me et fortes quaesierunt animam meam et non posuerunt Deum in conspectu suo semper

6

ecce Deus auxiliatur mihi Dominus sustentans animam meam

7

reddet malum insidiatoribus meis in veritate tua disperde eos

8

voluntarie sacrificabo tibi confitebor nomini tuo Domine quoniam bonum est

9

quoniam ex omni tribulatione liberavit me et inimicos meos dispexit oculus meus

Psalms 54

 

 

 

SpeedBible Software Public Domain Software by johnhurt.com